34歲的雨僑為老公羅力威陀B約7個月，前日她在社交網貼出穿上低胸白色貼身喱士裙的孕照，上圍升cup不少，她留言：「7個月，開始感到你的重量、你的力度，我覺得你會是個強壯的寶寶，有時我會很疲倦，有時則敏捷得忘了自己是孕婦。」
雨僑向《蘋果》表示：「𠵱家差唔多去到最後嘅大直路，呢段時間無論社會定疫情其實都艱難，冇人可以獨善其身，但我好感恩呢7個月身體上都唔算辛苦，所以唔需要老公或屋企人照顧好多。之前冇乜出街，去產檢我都好驚。」她坦言現在動作開始不靈活，更形容自己似郵筒，又透露羅力威表現緊張：「有時我沖涼佢都好驚，佢覺得我好似要喺個浴缸爬出嚟。」
採訪：皓騫