【財經專訪】長輩話：「有仔趁嫰生。」但世道亂，當此時勢結婚生仔，確實要莫大勇氣，未能當機立斷又驚「蘇州過後無艇搭」，近年越趨普及的雪卵技術，成為女性趁青春「留種」的出路。雪卵與銀行家，看似風馬牛不相及，共通點都是風險管理及講求投資回報，在不明朗前景下另闢一片天。
記者：劉美儀
炒房出身轉型財富管理、幾年前涉足輔助生育等直接投資的資深銀行家劉卓衡（Philip）認為，世界不穩與雪卵需求增長有互動關係，「尤其近年香港發生好多事」；疫情會過去，road block（堵路）亦會過去，「但係一個不明確前景（包括經濟、工作、時局不穩），都會影響人嘅心理……不穩定性係會增加好多呢方面（雪卵）嘅考慮」。
港手術費8萬 貯存月收千元
現代人相愛很難，各有各期望，離離合合成常態。劉分析，「好多職業女性，唔想咁早生，亦未必搵到適合嘅partner（伴侶）」；又或者經過大手術，影響將來排卵，種種原因「會令越來越多女士做凍卵服務」。
雪卵是輔助生育一種，女性35歲或以前卵子狀態最佳，手術牽涉醫療周期不長，費用亦非天文數字；劉指本地診所手術費約七至八萬元，之後冷凍卵子每月貯存費約1,000元（首半年免費），預期未來雪卵需求增速，會較人工受孕更快，按年計「相信會有十幾個巴仙增長」。
61歲的Philip已有一女兒，若時光倒流，會否鼓勵身邊伴侶一試？他笑說「咁都早好多年（前嘅事）」，當時技術亦未如今日普及；但對當下年輕一族，他會進言如未能當機立斷，最好買個保障，「如果我係後生嘅couple，都會作呢個考慮，會鼓勵佢哋去考慮呢個選擇……個選擇係隨住年齡（增加）會冇咗嘅」。
盤房出身的劉卓衡，擁有35年金融界經驗。1987年入花旗任高級交易員，跟隨炒房界一代宗師黃逸思學盤房炒技；2008年到瑞銀轉戰財富管理，三年前加盟由「紅籌之父」梁伯韜前副手高寶明，當時掌舵的茂宸集團（273）從事私募基金，涉足醫療、雪卵及人工受孕等直接投資，「發現呢行前景唔錯」。
去年底離開茂宸，劉未言休，上月初加入耀之國際資產管理公司任執行合夥人，涉足股債及私募基金，日後或再參與雪卵投資。經過多次金融風暴，不少資深Banker早已退場，很少像劉不斷轉型打拼，「我鍾意改變」；炒房生涯雖然刺激，但已投身逾十年，繼續做「開始有啲厭」。
劉卓衡職場上屢求變
他相信職場上不斷求變，亦是性格使然，喜歡跳出舒適區，「你要做新嘅嘢其實係需要勇氣，或者儍儍哋先會咁做」。
新冠病毒肆虐，涉足過醫療生育等直接投資的劉，亦獲得另一啟發：珍惜眼前人；他早前獲駐紮歐洲、協助收購整合幾間歐資行的就職機會，但最後選擇留守香港，「疫情之後覺得親人更重要」。
或許就像現代女性，面對職業、婚姻及亂世中種種壓力，生與唔生的抉擇，既要考慮溫情亦要勇氣超越框框。有得揀，始終很重要。
