全國人大上周強推「港版國安法」,令香港加速變成「一國一制」,有不少藝人及文化團體紛紛發出反對聲音,包括在社交網站聲援和發起聯署聲明。而昨日市民為向惡法說不,更不理限聚令到港島上街,其中藝人阮民安現身銅鑼灣,袁彌明及爸爸袁弓夷都有上街,不過中午時遊行才剛開始,防暴警就發射多枚催淚彈,袁彌明說:「呢浸係熟悉嘅味道,成個抗爭嗰團火出返晒嚟。」
全國人大強推「港版國安法」,即使政府借疫情延長限聚令,但「一國兩制」陷入崩潰邊緣。有網民不甘坐以待斃,發起昨日下午1時上街,呼籲市民用行動表態,設立兩條路線,一條是由銅鑼灣崇光百貨往灣仔修頓球場,另一條路線則是由灣仔修頓球場往崇光。防暴警昨午12時許便在銅鑼灣崇光百貨附近驅趕巿民,當時人民力量「快必」譚得志正在附近進行有健康講座,警方突然衝上前,強行熄咪兼拘捕他。下午約1時許,上街行動剛開始,防暴警又發射多枚催淚彈,並出動拘捕大量年輕人,現場混亂。
「冇做錯事唔怕被拉」
袁彌明及爸爸袁弓夷昨日都有上街,可惜未加入隊伍便已爆發衝突,袁彌明獲悉好友「快必」譚得志被捕,她接受《蘋果》電話訪問說:「快必俾人拉都真係冇得解釋嘅,佢只係做健康講座,佢不嬲個個星期都喺唔同地方做,今日都係照常,又冇違法行為,有巿民聚集嚟聽,咁都拉佢真係無法無天。」對於警方又大放催淚彈,袁彌明揶揄:「都成幾個月冇聞過催淚彈喇,有啲唔慣,呢浸係熟悉嘅味道,一聞就知,成個抗爭嗰團火出返晒嚟!」袁彌明上街可擔心拉?她說:「我哋上得街就唔怕俾人拉,我哋冇做錯事。」
Tommy「瘋狂噤聲」已開始
而積極參與反送中運動的阮民安(Tommy)昨日於中午時分現身銅鑼灣,對於港版國安法,Tommy認為此舉是「夾硬嚟」,他表示:「中共做呢一樣嘢都係想攬炒,一國兩制正式滅亡。」Tommy又認為,政府早前借疫情及限聚令等手法變相打壓異見,強調現時風險比以往高,呼籲抗爭者估算自身可承受風險,「一路以嚟都係兄弟爬山各自努力,做自己承受到嘅嘢就OK。」
Tommy作為創作歌手,被問到港版國安法會否直接影響到作品及言論自由?Tommy表示:「呢個絕對係,因為早幾日我哋所有人嘅fb page都突然被block,我唔覺得係fb系統有問題,好明顯係做緊test,睇吓可唔可以一秒block晒我哋呢啲有少少影響力嘅人或者議員嘅聲音,其實佢係做到嘅。」
Tommy又說:「其實瘋狂嘅噤聲已經發生咗,大家都要動吓腦筋睇吓點拆。」提到港版國安法令到不少人都想移民,有兩個兒子的Tommy表示:「我都好擔心,有諗過送小朋友去外國讀書。好似今日出嚟,我都將啲銀行卡畀晒屋企人,講定我可能48個鐘內返唔到嚟,都預咗。好幸運得到太太支持,呢樣嘢好重要。」
採訪:盧妹、陳杰、馬建華
攝影:林賓尼、董立華、沈健程