【本報訊】「諗住今晚（22日）簽約等收錢，估唔到買家立刻縮沙！」這是讀者May（化名）一名從事地產經紀的老友近日跟她訴苦。她說，港版國安法推出後，該老友原本可以促成一宗將軍澳千萬三房單位成交，惟兩組買家縮沙，而她因而加快賣樓移民的決定。
市民：加快賣樓移民
居於沙田私樓、快供滿會的May從事美容產品貿易，她表示：「國安法推出，好多人唔知樓市會點走，唔少買家都突然hold一hold，聽講將軍澳好多交易都on hold。其實唔只將軍澳，其他地區好似粉嶺都有呢啲縮沙個案。」她無奈稱：「明明講好咗香港同中國有啲唔同㗎嘛，咁我哋現在其實同一個省份有咩分別呢？所以啲買家心態都係同我一樣，香港同大陸有咩分別？」
被問及會否因港版國安法而賣樓移民，已婚、未有子女的她回應：「梗係會啦！我不嬲都有了解投資移民，現在係加速呢件事囉！明年就會作出決定。可能揀台灣，方便、夠快，話投資移民要求160萬呀嘛，賣咗沙田層樓，都夠錢，但唔排除放租，要同屋企人商量，而我老公就支持投資移民。」