人大前晚公佈港版《國安法》提案，網民紛紛表示感到灰心及絕望，杜汶澤前晚卻在fb好奇問：「點解大家咁灰、咁驚訝？咁請問大家過去嗰一年，面對緊嘅係乜嚟㗎？期望敵人仁慈，究竟係乜心態？攬炒，唔通只係口號？原來你當玩㗎？又等選舉呀？」阿澤昨日轉貼股市下跌新聞，留言揶揄：「藍屍寶寶的美好時光開始了……」他早前宣佈11月在九展的talk show加開4場，門票同樣被秒殺，阿澤昨留言表示：「收到風個場好似有人想cancel。」笑說自己是否應該去勸他不要開騷：「然後我入紙加場呢？」
三權分立失效
王喜主持的《驚方訊息》將由《頭條新聞》轉到杜汶澤網台「喱騷」播放，阿澤特別為「忠勇毅」搜購垃圾桶，他昨午貼出站在垃圾桶前的照片，留言：「喂！忠_勇毅！你個垃圾桶到咗喇！快X啲捐返入去啦！」擺明無懼強權，要繼續發聲。王喜昨日就港版《國安法》在YouTube上載短片，教人刪除facebook賬戶。他解釋說：「原因大家都好清楚，人大宣佈咗喺香港設立一啲國安機構，就住佢哋一啲標準，好似話包括顛覆國家、勾結外國，呢啲機構去執行國安條例。」王喜擔憂安全將會受威脅：「到時由拉人、起訴到判刑，仲要唔要香港三權分立機關處理？好有可能已經唔係。」他指雖然未知草案有否追訴力，但為安全起見，接受律師朋友建議刪除fb賬戶，最後他在鏡頭前按下確認鍵。
柳俊江突收聲
無綫前主播柳俊江早前透露，會撰寫一本紀錄7.21元朗白衣人無差別襲擊事件的著作，他前日在fb表示不少朋友都擔心「本書仲出唔出到」，但柳俊江指：「我只係陳述事實，唔係乜嘢陰謀論，只係總結7.21的時序和前因後果。」《蘋果》昨日聯絡柳俊江，他透露書暫名《元朗黑夜——我的記憶和眾人的記憶》，打算在7.21一周年推出，問到可擔心？他說：「暫時冇擔心，未有壓力。」對於港版《國安法》，他表示暫時不想評論，免節外生枝。相對於阿澤及王喜的敢言，柳俊江似乎已因形勢有所退卻。《蘋果》昨日在圓方超市遇見黎耀祥與太太去購物，買了兩大袋食材回家，問到對港版《國安法》有甚麼意見，黎耀祥答：「我冇乜留意。」更是顯得避忌。
另外，袁彌明和父親袁弓夷昨日接受《蘋果》訪問，袁彌明認為推行《國安法》：「等於正式結束一國兩制！」袁爸爸則批評：「有效方法是美國禁止資金進入香港，用金融戰略和共產黨講數。」王宗堯則說已有心理準備：「我哋身為香港人會留守到最後。」梁芷珊也轉貼作家鄧小樺的文章，以「浴火重生」為港人打氣。阮民安昨接受《蘋果》訪問說：「禁聲係基本嘢，更甚係我哋可以隨時被消失。」著名編劇莊梅岩在fb寫上：「當制度不再合理的時候，自由在我。」
採訪、攝影：比華利、朱志聰