陳志雲開的網上頻道，前晚新節目《Stephen．傾》首播，形式類似當年在無綫主持的《志雲飯局》，首集嘉賓是剛離巢的視后田蕊妮，還請來鋼琴王子陳雋騫鋼琴伴奏。其間阿田指自己忘記陳展鵬曾是亞視人，志雲即嘲陳展鵬變臉太多。
陳志雲與阿田在約90分鐘的清談節目中，天南地北，滔滔不絕。志雲在節目開首表示首集是為「兩噸慈善基金」籌款，之後介紹阿田進場，兩人雖是舊同事，但只有數面之緣。志雲首次近距離見阿田，大讚她真人靚，阿田受落說：「係呀！真人靚過上鏡。」志雲乘機寸舊公司：「我都係，𠵱家呢啲唔係TVB嘅crew，影得我哋靚啲。」
怕短命改名
阿田被問原名田明慧時，她透露初中時因被批命過不到15歲，母親急找相士幫她改名叫「蕊妮」，湊巧老公原名是吳卓彰，杜汶澤亦不是本名，但他現在連身份證都改為杜汶澤。
提到記性差，阿田指有一年在無綫跟陳展鵬合作時，才驚醒兩人早已在亞視時合作過，但她表示完全記不起：「大家喺ATV合作過，嗰時同佢影過月曆，佢pose好正，喺後面好似雄風咁，我企喺前面chok到呢。」志雲接着說：「你唔可以怪自己，怪陳展鵬佢變得太犀利，唔知係咪整過容。」此時阿田笑到掩住嘴說：「哎呀，乜你咁㗎。」翻查資料，幾年前陳展鵬曾被質疑整過容，鼻離奇變高和變尖，臉形亦變瘦削。
憶亡母感觸
節目中，阿田唱了4首歌，其中唱《最親》時，她憶起亡母而未能唱下去，更要走出鏡頭。阿田亦談到與老公杜汶澤由相識、相知到結婚，更透露婚前老公曾有第三者，兩人冷靜地談判及維繫。節目尾聲，志雲應阿田要求，在鏡頭前溫柔地爆粗5次：「你唔好咁戇X。」
撰文：祖李
