美職聯球會FC辛辛那提宣佈，委任前曼聯球星史譚（小圖）做新教練，但佢哋周四喺twitter發文歡迎呢位荷蘭名宿時就擺咗大烏龍，貼錯阿積士青年軍教練尹迪拿布克（圖）嘅相，之後先更正。47歲嘅史譚，掛靴後曾執教阿積士青年軍、雷丁、施禾利同飛燕諾，佢喺2018年接任施禾利教練時，正係由現任FC辛辛那提總經理尼甘普聘請嘅。