意大利足總周三確定最高級別嘅三個聯賽，最遲要8月20日完成，新球季將會喺9月1日展開，如果意甲球季再次因疫情中斷，就可能以附加賽方式決定最終名次，意足總理事會議同時證實所有業餘賽事將會取消。英冠方面，英格蘭足球聯賽賽會（EFL）周四發表官方聲明，落實會保留升降班及附加賽資格，並需要經過51%球會同意才能腰斬或縮減賽季，以上嘅內容同樣適用於英甲同英乙，目前喺7月31日球員合約到期日前完季。至於法國職業足球聯賽賽會喺周三投票後，贊成法乙今季取消降班，由於法甲同法乙之間維持「升二降二」，法丙領先嘅FC波城及登卡基亦將會升班，下季法乙就有22隊參賽。