麥明詩舊愛林作近月投身保險界外，亦在網上賣二手名牌，昨日《蘋果》記者就在中環ifc巧遇他閒逛男裝店，林作向記者透露將會有新搞作，就是籌備舉行棟篤笑，以嬉笑怒罵形式來自嘲，並計劃以此作為教育界籌款。至於早前自爆二手名牌生意月賺20萬，林作笑謂：「少少啦，有危先有機，其他人害怕嘅我就偏唔怕，𠵱家更加要衝出嚟，出街多10倍，𠵱家生意都多10倍。」
除二手生意理想外，林作更自爆成為本月保險業全港排名第二：「其實都係因為封關問題，因為內地嘅市場好大，通番關嘅話內地嘅agent就即刻收我皮，所以我都有壓力。」問到會否識個新女朋友來慶祝？林作笑稱：「買吓嘢啦，我冇乜寄託，好空虛。」
採訪、攝影：羅慧敏