有78年歷史的鏞記酒家，由甘穗煇於1942年創立，及後公司名氣與業績一度攀上高峯。他的孫女甘蕎因認為，公司成功源於爺爺根深蒂固的人情味，令她在這次疫症下不會輕言裁員。她坦承，鏞記爭產案後惹起坊間流言蜚語，但認為自公司去年完成清盤並全數回購股份後，一切都雨過天晴，笑言疫症對鏞記而言已不是大風浪，「最緊要對得住阿爺。」
談爭產 「有人誤解我哋」
「舊員工都話董事長（甘穗煇）好有人情味，好重感情。」她指，爺爺過去鮮有裁員減薪，早在公司建立家庭觀，「阿爺都同我哋講，我哋好重視員工，好有人情味，（𠵱家）我都係叫盡力啦。」今年疫症生意大跌，但大部份員工仍如常上班，只安排部份人放少量無薪假，盡量減低對員工的影響，「如果人哋養緊家，冇咗份工，冇錢生活嗰種徬徨係好慘。」她直言，現時經營鏞記的最大動力正是「對得住爺爺」，對於官司令鏞記形象崩潰，她坦言「只能畀啲耐性」。
提起一段爭產往事，甘蕎因倍添傷感：「或者係中間有啲人對我哋嘅誤解，要慢慢嚟，要時間改變一切」。她又指，對於官司帶來的影響過去從不回應，全因貫徹爺爺的想法「做好自己」，「我覺得日久見人心，可能一時之間有啲唔同，大家唔同見解，我相信外面啲人認識咗我哋會有改變。」