特首林鄭月娥前日引用南非已故總統曼德拉嘅「名言」，「教育崩潰足以摧毀一個國家（The collapse of education is the collapse of the nation）」，去為佢干預教肓界解畫，點知原來曼德拉根本冇講過，乜嘢網上話呢句嘢展示喺南非大學入口處，更加唔係事實，搞到777要致歉，仲賴因為有關引述有不同版本同出處喎！
教育是改變世界最強武器
「華爾街狠人」噚日喺fb發帖，話南非大學門口原來真係有曼德拉名言，有手足仲去影埋相畀佢，但當然唔係777嗰句，而係「教育是改變世界最強大的武器（Education is the most powerful weapon you can use to change the world），圖」，原來曼德拉句名言咁革命嘅！唔知777係咪想叫香港學生跟住曼德拉咁做？如果有老師講，曼德拉又會唔會俾左派批鬥？