武漢肺炎疫情有所放緩下，雖有部份聯賽已重啟或復賽在即，但部份球員就要面對自己合約到期但球季仲未完結嘅尷尬局面，據ESPN報道，英超曼聯就批准一班借將留喺外借球隊至「真˙完季日」，唔使喺6月30日合約屆滿日歸隊。曼聯𠵱家有阿歷斯山齊士、基斯史摩寧、馬高斯盧祖同埋甸恩軒達臣等借將，其中以甸恩軒達臣最搶手，成為多間英超球會獵物。