【本報訊】監警會日前發表反修例事件報告，被外界炮轟內容偏袒警方之餘，更被發現報告中使用網絡假圖，保安局局長李家超昨日反指有關意見「偏頗同唔公道」，但當本報記者指出連監警會成員亦承認報告個別圖片來源有誤時，李家超即出言侮辱：「就算你哋貴報嘅資料是否真確，都無人去求證㗎」，反斥提問圖片出錯是轉移視線。
多番出言侮辱記者
李家超昨出席立法會前主動見傳媒，以長達近10分鐘時間，指坊間對報告批評「偏頗同唔公道」，大讚報告「基於事實基礎」進行，又指批評報告的人都是過去曾支持和參與一些暴力行為的人和組織。
不過當本報記者問到監警報告被揭沒有核實引用圖片資料來源，連監警會成員也承認無法證實圖片出處，以及多個傳媒組織批評報告淡化警方暴力對待記者時，李稱外界若對警方行為有不滿，「絕對可以投訴」。
本報記者之後再追問圖片來源問題，李即反指記者提問是轉移視線：「所有資料都擺喺你面前，就算你哋貴報嘅資料是否真確，都無人去求證㗎！」記者即表示報道經過求證，指李說法有侮辱性，又要求李回應近日傳媒揭發多名警隊高層知法犯法僭建時，李只稱：「任何資料，𠵱家監警會去參考，佢（會）話畀你聽個來源係乜。」
由於李仍未回應圖片來源問題，本報記者只好再追問，李即激動說：「你聽我講完先！你唔畀我答你，你唔好問問題吖，呢啲大家採訪時，你要畀我答。」並再出言侮辱說：「每個來源去審視呢，我相信貴報都未必一定做得到嘅！」
這時本報記者再次指出報道刊登前都會先核實消息，而李家超則說圖片是由公眾提供，「喺二萬個嘅圖片同二萬個嘅圖像（中），有無喺任何投訴入面造成一個重要性嘅影響？呢個係調查某個個案時就會做。答咗你嘅問題」。
民主黨許智峯指出，李家超如想反駁所謂「抹黑」警隊之說，應立即成立獨立調查委員會：「唔係一份報告或者某一位專家講出嚟，就可以抹黑到佢（警隊），而係事實上佢哋的確做過一啲警暴、殘酷對待巿民嘅行為。」
■記者林俊謙