最近喺社交網吹起一股「月野兔繪圖熱潮」，就係拎《美少女戰士》動畫第125話（Sailor Moon S的第36話）月野兔變身sailor moon畫面進行二創，之前好多日本漫畫家已加入，出現悟空版月野兔、巨人版月野兔、高達版月野兔，恐怖漫畫主角富江版嘅月野兔，就連《JoJo的奇妙冒險》動畫版作畫監督腖谷耕平都玩埋一份，有JoJo版月野兔，而呢股風氣已吹到香港，有插畫師就二創抗爭版嘅月野兔。
full gear加豬嘴
好似門小雷將sailor moon嘅變身裝置變成「豬嘴」，香城就將sailor moon化成戰火中嘅抗爭少女，配上堅定嘅眼神，再加上一句「希望之光就在每個人心裏」。縱使已傷痕纍纍，仍奮力抗爭。
除咗抗爭版外，仲有好多本地插畫家加入，好似謝曬皮嘅「如廁中的麻甩版美少女戰士」、Cuson嘅終極麻甩版美少女戰士，將膝頭塞到胸前，仲露出腳毛。facebook專頁「PePe有嘢‧港HK PePe」亦上載咗張PePe版本。如果大家想睇多啲，只要喺Twitter、facebook、ig搜尋「#sailormoonredraw」呢個hashtag就得。