美國女足隊長娜賓露不嬲好憎現任美國總統特朗普，去年捧世界盃嗰陣已同「侵侵」爆網上罵戰，最近再插對方係一個白人民族主義者，專搞國家分化同埋散播仇恨，覺得國家喺侵侵帶領下冇前路。娜賓露話未來可能參政，仲話如果要做就要做最大，即係坐總統個位，不過話自己有自知之明可能連做高官都未夠資格，唔似得有啲人自作聰明，即係再插侵侵一刀。