取消DSE試題,對習總控港,利多於弊,同意嗎?楊局長乘年輕人之危,跟伍美心一樣的婦人之見,好快會在內地得獎。兩個老海鮮放棄香港年青人,考完的試卷,學鄭市長話齋:同我除返落來!取消考題,與除低口罩,話事人都係習大帝,市長與局長,人微言輕,一切聽黨話,感黨恩。
中史科,是成龍直指「會爆」的一類,學生敬而遠之,不讀不錯。被選中被放棄的這一代,放中史科飛機,有心鑽研,在試場外大把材料。長期劣幣驅逐良幣之下,未來考中史科的,腦筋正常極有限,個腦唔洗都夠殘。此後,不用對老師喊打喊殺了,不必向考評局照肺查找fb留言。日日排隊食美心的學生哥,歌神教落,好溫功課,要思己過,唔係第日悔恨更多。考評局人頭落地的教訓,學生哥夠膽take中史呢科,背景肯定硬,唔係689後代就係工聯會子侄,從小就讀曾鈺成任教的愛國紅校,乜題都難佢唔到,照拎五星星。
中史考得好,挑機鄭老母;畢業直入PK陣營,忠誠共產黨,心繫黑社會。中史教育,重新出發。出發往邊個方向好呢?風水禮儀師食指西:嗰頭近,習帝皇陵!