蘋果做傳媒，走訪靈媒，不問蒼天問鬼神，點知都撞板吃閉門羹。靈媒講明，唔敢得罪政界權貴，結果只有一位勁揪女子應約受訪，講解神異界諸事，光明磊落，面容比起杏家柒大方好多。
相由心生，香港官商鄉警，勾結魔界，惡魔附身，原來真係有樣睇！鄭市長身後，怨影幢幢，冤靈勢眾。這讓人想起本地科幻小說家陳浩基那本；《第歐根尼變奏曲》，裏面一個短篇「頭頂」。主角阿宏一覺醒來，照鏡發現自己頭頂長了一團黑色物體，物體竟然伸出一隻爪！鏡中異物有形無實，用手摳它，完全摸不着。主角被迫頂住怪物上班，這才發覺，電視新聞裏的官員頭頂同樣生嘢，湊近屏幕一看，是一個五六歲骨瘦如柴的赤裸孩童（是689施政報告永遠五歲那位嗎？）沒有五官只有披散灰髮（再恤髮大聯盟預埋佢），蹲坐官員頭上，用鬼爪般的手指插入官員嘴巴（官員包括張司長、楊局長與手震唔停的聶局長。）電視主播頭上，是一隻割掉耳鼻，眼皮遭縫合只剩一張嘴的豬頭！（CCTVB那隻是狗屋蛇頭）最終，主角跟主診醫生與其他人沒能力擺脫頭頂令人作嘔的怪物，只能互相當頭頂隻嘢是新常態，頭耷耷，詐睇唔到。現實中，裝正常感恩黨的港府頭目從鄭市長到PK，頭頂都有嘢騎住。隻嘢中國製，通關輸入門常開。查找香港的真相，獨立靈媒醒過監警會。梁主席信PK鄧，無嘢吓嘩？