林芊妤（Coffee）與老公翟志榮在前年結婚，同年10月誕下囝囝「伯伯」翟德彥，現在伯伯雖然未夠兩歲，但他的個人Ig賬戶已擁逾14萬followers，是香港BB界的KOL，不過打理伯伯Ig的Coffee日前卻宣佈伯伯將會從網上「光榮引退」，她以囝囝的角色留言稱：「今日19個月啦，仲有幾個月呢個Ig就可以光榮引退，唔使再活在女魔頭嘅鏡頭下，可以隨心所欲咁出糧飲奶奶。」
只想記錄童年
伯伯引退消息公佈後，網民反應不一，部份表示很不捨，更出動喊喊emoji，但也有不少網民支持Coffee的做法，留言：「小孩成長唔需要再在大家目光下，支持！」、「Good！佢有自己私隱同自主權。」事實上，Coffee最初為囝囝開社交賬戶時，已表明只想記錄「伯伯」的童年，所以謝絕所有廣告，只是想不到變成現在追隨者眾多。
對於囝囝「被引退」，Coffee昨日接受《蘋果》訪問，她表示不擔心被指當囝囝「搖錢樹」，事前已和丈夫有共識：「唔怕，因為自己唔係咁。其實一開始已同先生傾咗，擺BB出嚟係諗住笑吓，因為佢真係好多表情，0至2歲都係乜都唔識，係個人冇乜思想。但兩歲後想畀多啲私隱BB，想佢正常環境下成長，唔想佢有太多關注，我哋最驚係影響佢性格，以為自己好popular、好巴閉，對佢將來發展都唔好。」
Coffee表示最近發現囝囝對鏡頭好敏感，開始知道拍攝是甚麼一回事，她說：「有時搵電話影佢，佢都開始會怕醜，唔會做返off camera做嘅反應，好似知道影咗會有人睇到。其實我哋都唔想佢咁細個太多曝光，只想佢正正常常咁生活，同一般小朋友一齊咁成長。」
Lucy繼續貼相
有人提早退場，也有人繼續在網上開心分享，李璨琛太太梁志瑩（Pae）經常也有為囡囡李元元（Lucy）開設Ig賬戶，還找囡囡為自家品牌童裝做御用模特兒，早前有網民質疑李璨琛夫婦當囡囡搖錢樹留言鬧爆，不過Pae一於少理，前日貼Lucy匿在牆角玩水的片段，身穿小背心的Lucy更玩到成身濕晒。
採訪：嵐山
