藍奕邦近日離開環球唱片後變得更敢言，繼日前在社交網鬧爆撐警譚詠麟是廢老後，前晚又在Ig踢爆組合Robynn & Kendy歌曲《紅白》，因歌名涉及顏色而曾被環球列為禁歌：「原本舊年四、五月，我同Robynn & Kendy同高佬坐埋一齊構思，諗住一齊做一連串所謂『令事業更上一層樓』嘅hit songs，點知到最後原來大家一齊做緊一隻告別作（包括我在內）。」R&K在今年3月底宣佈休團，亦透露未跟環球續約。
阿邦又踢爆《紅白》只因歌名有顏色被禁：「其實上年8月已經做起，但係一來環球話個歌名係顏色會令人以為牽涉政治，叫我改歌名我死都唔肯改，二來當時社會狀況根本消化唔到一隻咁嘅歌，就hold起咗。」但《紅白》近日沒大改動就推出，藍奕邦指「好神奇」！當歌曲終於出街後，他收到許廷鏗開心到爆粗的短訊：「X you！」二人早前便於商台節目中隔空演繹《紅白》的男男合唱版。
撰文：南瓜