林嘉欣、謝安琪及陳貝兒同是素食者，昨日到旺角出席推廣素食活動，江若琳老公「生煎包王子」蕭潤邦亦有到場支持。茹素1年半的嘉欣教兩女兒食素，又在家中實行減炭，她說：「𠵱家唔會開冷氣，可以減少碳排放之餘，可以鍛煉佢哋毅力，唔係要開就有，最多傍晚開一陣為間屋降溫。」她又稱從不浪費食物：「如果有食剩餸菜，翌日會翻蒸再食，所以佢哋好積極食晒啲嘢。」
謝安琪自稱烹飪素菜了得，奈何老公張繼聰只食營養餐：「老公食嘢神聖不可侵犯，佢只食教練安排畀佢嘅嘢，我煮嘅佢會試食，然後有很好嘅演技位。」此外，在活動上擔任司儀的蘇頌輝透露太太懷孕15周，預產期在11月。
採訪：張明
攝影：陳慧安