【爆相爆片】馮盈盈去年底於Ig宣佈跟拍拖四年的10A醫生男友鍾文浩分手後，被指極速戀上無綫爆肌主播鄭衍峰，加上被《蘋果》踢爆早前已搬到深水埗新竇，又有眼利網民發現她和新歡用同一張花紋枱墊，猜測二人已秘密同居。雖然盈盈再三否認蜜運，但事實上，早前確實被影到她將價值60萬元的Tesla靚車讓鄭衍峰任揸，令人聯想二人絕非一般好友關係。不過，熱戀中的盈盈桃花旺盛卻慘遇破財，更跟她的Tesla座駕有關。讀者曾先生透過《蘋果》「爆相爆片」分享，指馮盈盈大前日在觀塘街頭尋車。
焦急打電話
曾先生指大前日約下午2時，於觀塘成業街見到盈盈獨自現身。曾先生目睹無戴口罩的盈盈神色慌張，一邊打電話，一邊焦急地兩頭望，更由街頭行去街尾，再由街尾行返街頭，來來回回數轉似尋找失物。曾先生說：「見佢之後企咗喺路邊，指手劃腳問解款車司機見唔見佢架Tesla車，個男人就答句只係見到之前有架車喺度，不過之後唔知去咗邊。」座駕忽然消失，盈盈難免着急。
被警方拖走
由於盈盈所泊車的成業街，經常有不少司機為貪方便，將車輛違例停在路邊，導致經常出現塞車。盈盈身旁的工廈亦有展示「車場出口 請勿泊車」公告。曾先生表示在較早前就見到有警察在該路段拖走違泊車輛，估計盈盈的座駕很大機會是被警察拖走。
《蘋果》事後到現場視察情況，發現盈盈的座駕所泊位置，並非收費錶位。失車當日，她在Ig動態也有透露「慘痛」的心聲：「今日實在太刺激，來回地獄又折返人間。」她又說：「心靈受創前嘅自拍，仲笑得出。」見她在Ig所貼的相片中，其黑色衫正正是尋找失車時所穿的上衣，相中的她當時摸着耳環風騷微笑，估計是失車之前所拍。事後，盈盈得知座駕是被警方拖車拖走，而非被偷車，即時前往辦理手續取回座駕，未知下次會否由鄭衍峰充當柴可夫接送，避免座駕再被拖走。
採訪：王梓嫚