前新聞主播「小飛俠」林燕玲上月為金融才俊老公葉浩文誕下B仔，改名為葉星辰，林燕玲兩位前新聞主播好友黃麗幗及駱文捷都是準鼠媽媽，昨日二人就與老公去探林燕玲兩母子，林燕玲貼相及貼文：「一個媽咪加兩個準媽咪，約定等你哋生完再影合照」，之後再hashtag了「一個7月見」、「一個9月見」，黃麗幗的預產期為7月，之前在母親節已在Ig透露今胎生仔，駱文捷的預產期則在9月，她留言：「鼠年媽媽集結！呢個BB可愛到犯規。」
《蘋果》聯絡林燕玲，問到兩位準媽媽前來探BB，有否順道傳授BB貼士？她表示因為湊B太忙，所以叫朋友來屋企：「講晒我用乜嘢BB產品，BB床、尿片、BB車，屋企用乜防疫產品，我自己肥咗幾多，乜都講，佢哋坐咗好耐。」
採訪：唐如