【本報訊】武漢肺炎疫情未遏止,醫管局今年1月底啟動緊急應變級別,公立醫院取消探病安排。醫管局行政總裁高拔陞表示,疫情稍為緩和,正研究放寬探病安排,先讓康復醫院恢復探病,但需要控制人流及探病時間。由於近日再出現本地感染個案,有關安排仍未有落實時間表。醫管局會研究毋須身體檢查的門診病人可以視像方式覆診。
須預約及限制人數
武肺今年初殺入香港,特首林鄭月娥堅拒封關,令疫情在香港爆發,醫護發起罷工救港。高拔陞稱,每日都思考如何加強與醫護溝通,「其實每一日都諗,係咪有方面下次可以做得好啲呢?好多時都係諗緊溝通方面,無論係批評各方面都好,我都信絕大部份係有心想話啲嘢畀我哋聽,或者想提我哋、建議我哋一啲嘢。多謝大家同事,因為都真係辛苦,大家都真係做得好。」
醫護裝備不足,甚至使用指引一個月改五次,高拔陞回應說:「我記得當年沙士都係咁諗,你今日係呢個指引,過兩日又改指引,當然覺得好煩。但我敢講絕大部份都理解。」2003年沙士後,醫管局曾建議興建三間傳染病大樓,但最終只有瑪嘉烈醫院傳染病中心落成。該中心暫可處理疫情,但他認為其他醫院需有床位及能力照顧有傳染性的病人。
就醫管局逐步恢復服務,醫管局總行政經理何婉霞在記者會上補充稱,要留意疫情發展,在可行情況平衡感染控制與服務承載能力,首階段會先恢復診斷服務;第二階段是門診及日間服務,支援病人出院覆診,第三階段是預約手術,因醫護人員需要使用較多個人保護裝備,要兩手準備。
至於開放探病方面,可能會率先開放康復醫院,但探病前需要預約及限制人流。
■記者謝明明