曼城因違反財政公平競技條例被禁參加歐戰兩年，因而傳出陣中將帥會離隊，領隊哥迪奧拿同「藍月」嘅合約將喺2021年約滿，早前有傳巴塞隆拿有意挖角，但根據哥帥嘅現任曼城助教伊斯迪亞特透露，哥帥下一站可能係意大利。跟哥帥由巴塞到拜仁、再轉戰藍月嘅佢話：「哥帥鍾意意大利，最初計劃係執教四大聯賽，我唔敢講一定發生，但呢啲都佢嘅計劃。」