陳欣妍（Shirley）近日以泳衣行山真人騷大大提高知名度，為了迎接夏日，她昨日現身《果GYM》app，到尖沙嘴跟教練Vito做出6組豐臀收腹動作，包括蹲低身深呼吸，以及前後腳屈膝蹲低身考平衡力，其中一個動作陳欣妍更要躺在地上，腰離地提腿，難度十足。喘息期間她不忘照鏡留意體態，分享自細因盆骨大，買牛仔褲有障礙，令她堅持練習翹股。
陳欣妍又指男友沈震軒相當鼓勵她運動，成為兩人共同嗜好，陳欣妍說：「不過佢比較重力量，我就主力想收線條。」對於近日男粉絲激增，她說：「啲男仔講嚟講去都係我條鼻涕，冇人會理我係咪性感，着比堅尼行山係我極限，但就算我幾性感，啲fans都覺得我只係搞笑，因為我係一個儍大姐。」
採訪：卓寶花
攝影：陳慧安
場地提供：Skyfitness