麥凱程傳去年底參與抗爭被捕而遭無綫雪藏，連孭飛劇集《降魔的2.0》的宣傳都沒有出席。馬國明、鄧佩儀及劉佩玥等昨日在將軍澳出席宣傳活動，在劇中與Alex飾演「降魔富二代」的孿生家姐鄧佩儀，表示剛得知消息，還以為Alex早前缺席宣傳與疫情有關，她說：「我知佢喺法國，但潛意識以為係因為疫情，所以一直冇問咁多。因為之前部劇，王梓軒又係喺外國都返唔到嚟，可能先入為主咗。」
馬國明坦言與Alex不太熟：「好似因為政治嘢，但我唔係好知，因為劇中同佢戲份唔多，同佢又唔係好熟。」他表示每次宣傳並非全部藝人出席，平時亦很少私談政見：「我私下少講政治，又好少問人哋取向，工作行先。」就連監製方駿釗亦表示不清楚：「我都係剛知道，一直知佢唔喺香港，所以冇搵佢宣傳。我哋冇聯絡過，只知佢唔喺香港，公司高層完全冇講呢樣嘢。」
撰文：南瓜