市民擔憂 冀營運商速修復

市民擔憂 冀營運商速修復

電子錢包日漸普及,保安問題亦備受關注,對於PayMe及支付寶付款超連結可被第三者「截糊」取款,不少市民皆懵然不知,坦言對此感憂慮,希望相關應用程式能盡快修復問題。用戶認為,使用電子錢包時亦應加倍留神,避免款項被盜取。

「盡量喺個app完成」

PayMe用戶Katia稱,對第三者可透過PayLink收取款項聞所未聞,「通常都喺app進行轉賬,好少會用link。」她坦言,擔心應用程式存有安全問題,惟其他電子錢包未如PayMe般普及,或有更大安全隱憂,「唔通你叫我用支付寶咩,咁咪仲唔安全」。她日後使用電子錢包時會加倍留神,「盡量都喺個app入面完成(交易)。」

學生鄭小姐同樣表示,以往使用PayMe時,不曾被第三者收取款項,但也擔心存在安全問題,「我都係朋友之間(使用PayMe轉賬),唔識得嘅人就唔會考慮。」若轉賬金額大,不會使用電子銀包,以策安全。陳小姐亦認同使用電子銀包存有一定風險,會盡量使用現金。

設計師Gary則稱,平日使用PayMe於朋友間小額轉賬,「本身對PayMe都冇乜好感,但朋友間食飯畀錢,難免都會用到。」他曾聽聞非收款人也能透過連結收款,「都驚(安全問題)嘅,咁希望佢地盡快fix(修復)咗佢」。