富豪趙世曾家有喜事！他與舊愛盈盈所生的兒子趙式浩雙喜臨門，式浩於本月底將與Now TV新聞小花廖康如註冊，因疫情關係只在家人見證下簽紙，稍後才會擺酒，而二人的BB將於下月初出生。已育有一子的式浩再當爸爸，日前趙世曾與式浩及未來新抱到銅鑼灣慶祝母親節，共享天倫後，趙世曾前日就獨自到中環超市購物，戴着口罩的他相當環保，拿着大大個旅行袋，將購買的物品放進袋內，並自行拿上車，沒有假手於人，趙世曾說：「自己揀自己鍾意嘅嘢，工人未必揀到我要嘅嘢。」
已改中英文名
即將再次抱孫，趙世曾難掩喜悅，爆這一次也是男孫，更豪氣謂孫仔需要甚麼也會送上，他說：「係孫仔！佢需要乜嘢咪畀乜嘢佢哋囉，唔知佢哋需要啲乜嘢。抱孫應該係好事嚟嘅，中國人鍾意多子多孫。」問到會否要求兒子多生幾個？趙世曾說：「呢個唔到我話事。」趙世曾更透露孫仔已經跟族譜改了中、英文名，他說：「名已經改好，你要問返佢哋，我哋隔一代。」
至於兒子在本月底的婚禮，趙世曾則表示不知情：「我知道佢生仔箒，唔知佢結婚。唔知佢哋想點搞，佢哋想點搞通知我就諗吓囉。」對於新抱的評分？他說：「佢哋自己鍾意就得啦！呢啲係佢哋自己揀。」臨近下月的父親節，趙世曾表示待子女安排，添了多個孫兒，他說：「應該開心。」
拒為新抱打分
另外，慕詩集團創辦人陳欽杰與太太徐巧嬌在置地廣場二人世界嘆下午茶，未知是否疫情關係，他們選擇坐在單邊位置，途中卻碰到公關鄭紹康當「電燈膽」，一傾便傾上半小時，鄭紹康不時手舞足蹈，越傾越興奮，之後更進行例牌打卡合照。鄭紹康離開後，陳欽杰夫婦終能靜靜嘆茶，一邊談天，又互相擊掌，相當有愛。
採訪、攝影：羅慧敏