【本報訊】監警會主席梁定邦表示反修例報告只會講「大場面」，不會談及個別警員失職。據指，報告無觸及8.31市民被警方無故毆打，監警會前委員鄭承隆（圖）直言若屬實，其對這份報告感失望，指未能釋除公眾對連串反送中事件的疑慮。
林卓廷：點塗都係爛肉
鄭承隆向本報指出，監警會有責任提升警隊公信力，「有必要釋除市民嘅疑慮，縱使梁主席講睇大環境，有啲人係換衫扮無辜，但有啲人喺靜止下俾警方打，要講吓市民遇到呢啲情況點處理，警方喺呢啲大環境又點處理同改進，而唔係只係敍述件事，我哋自己睇帶都得啦」。他續指，監警會是要指正警隊，「佢代表市民同政府睇清楚警隊喺呢件事裏面有冇做錯，如果唔好就應指正，縱使係講大環境，應該清清楚楚，而唔係就咁賴過件事」。
就報道引述報告指7.21警方事前低估情報及未有及時澄清「警黑勾結」，7.21受害人之一的立法會議員林卓廷表示，若報道屬實，他質疑報告相關理據，「就算當警方低估情報，我當晚被打傷送院約係晚上11時，約凌晨12時黑社會再大規模打人，第一轉已經夠嚴重，你冇得再低估啦！完全講唔通」。他說，警方無法澄清「警黑勾結」，「都影晒出嚟，澄乜嘢清，警方並唔係冇澄清，只係冇人相信佢」。他直言，若監警會報告內容如報道所描述，「只係幫警隊塗脂抹粉，但塊面太爛，點樣塗都係爛肉囉」。
■記者謝明明