經紀V於某大行頴咗5年，用「頴」，並非讚揚他頴客之利害，而是頴腳趾個頴。他跟很多經紀都會發同一個夢──「世紀大刁」，夢想有朝一日扑中一單十億八億成交，發達喇！這個夢，是我從事經紀N年歲月裏，不知聽過多少新人舊人癡人說夢話。的確，曾有人中獎，但多年來，少於1%經紀是符碌的，其他都是斷六親般跑數。
經紀V入行至今，從未放棄過「大刁」夢，等吓一年，等吓又一年。經紀這行，所謂八二定律，甚至是九一，即一、兩成經紀跑到數，其他經紀只在「輪迴」，例如我在A公司做幾個月後，唔夠數被炒魷，就轉往同區B公司再做幾個月，轉勻晒同類型的紅黃藍綠代理行，就轉類型，例如住宅部轉工業部，工業部轉寫字樓部，周而復始，很像輪迴吧！
搵食箒，犯法呀，人總需要勇敢生存。經紀V知道自己懶惰不call客，亦知道自己促成生意能力差，但竟然捱到5年？答案「飛盤」，即是把自己公司電腦入面盤源出賣給其他代理行經紀。每個盤以幾十元、幾百元偷賣，賣吓賣吓，連埋底薪，一個月多一萬幾千。經紀V曾經打包1萬元賣出多個盤料，買料者卻從中促成一單50萬佣金的交易。溫提，此舉觸犯《防止賄賂條例》。
小師兄
http://fb.com/siuching28
本欄逢周四刊出