星期日尖沙嘴海港城網民搞「和你sing」，有兩名「深學媒體」嘅學生記者係現場採訪期間，畀popo帶返警署，其中12歲學生記者仲畀popo鬧「非法童工」，777同差人仲鬧點可以畀12歲學生去採訪。不過好快有網民翻舊賬，發現popo曾經大力鼓勵中、小學生做記者，仲安排佢哋採訪警務處長，即係只要唱好popo，佢就唔理幾多歲。
有網民搵翻2018年3月popo個fb，原來佢哋貼咗一班似係小學生記者，入警總採訪時任處長嘅盧偉聰，今次popo就冇叫人做「非法童工」，叫佢哋做校園小記者，不知幾咁親切！
網民將呢個史前po拎翻出嚟講，仲紛紛留言令個po翻生，有人話「盧sir知法犯法，成班童工都唔拉」，「防暴眼中咁樣係成班暴徒襲擊警務處長」、亦有人寸popo「得12、13歲係唔應該出現喺警署呢啲咁危險嘅地方」！