【本報訊】利豐（494）私有化作價較高位低九成，小股東蝕入肉，於昨日股東會議上，馮國經兒子、集團行政總裁馮裕鈞首次就小股東投資利豐蝕錢而致歉；主席馮國綸則指集團轉型之路不知何時看到終點，「買第二啲公司股票，或者回報好過利豐」。惟此言論與過去利豐業績會時、管理層指公司前景秀麗，相差甚遠。
昨日會上馮裕鈞指出：「同大家講聲對唔住，但我知講對唔住亦補償唔到大家損失」。他指，利豐自2017年轉型，是集團有史以來最大改革，但困難一浪接一浪，「如果轉做全數碼化，風險非常高，所需資金龐大，我哋自己冇」，是次私有化合作拍檔GLP在供應鏈數碼化投放了很多錢，希望用他們的資金將公司盡快轉型。
「搭緊一條沉船」
馮國綸直接向小股東指：「我唔知你哋搭緊嘅係咪一條沉船」，又言：「雖然你（小股東反對私有化）想同我行呢條路，但我哋唔知條路會去到邊度。」他聲稱現時外貿市場相當難做，在轉型初期又遇上世紀大疫症，行業風高浪急，已盡了九牛二虎之力，想辦法為股東釋放價值。集團是時勢所迫，「唔係我選時候，係時候選我哋」。
翻查資料，利豐去年指不擔心貿易戰，集團所受影響輕微，利豐正好擁有全球採購網絡應對。內地電商業增長迅速，有助推動物流生意增長。今年利豐業績則指，疫後中國需求「V形反彈」，旗下物流業務持續錄得增長。