【黑色母親節】
【本報訊】周日母親節旺角大濫捕，警方拘捕230人，包括青少年及義務急救員。數十名家長連續兩晚冒着風雨，往返紅磡警署等候多時，認為警方故意拖延時間，一時指人太多未及處理、一時又指電腦系統失靈，狠批保釋手續混亂。保釋兒子的劉女士慨嘆，長時間等候，無論對小朋友抑或家長都是折磨，坦言今年母親節「好難忘，冇諗過會咁，應該好多香港人都好難忘」。獲保釋人士指在警署內每四人被困一個羈留室，空氣翳焗，無水無風扇，又不准戴口罩防疫。
記者：唐家輝 翁鈺輝
部份被捕者遭扣查逾36小時，至昨午1時過後，才陸續獲准保釋。一名獲保釋青年透露，當晚只是與友人晚飯，被捕一刻防暴警撲向他高呼：「Yeah，捉到你喇！」他直言感覺警察「好似喺度鬥捉人咁」。
警署稱「電腦壞咗」
義務急救員吳先生指，當晚突被一隊行動呼號為「PTU Y3」的防暴警員撞跌拘捕，「（佢哋）叫我趴埋牆，嗰時冇人同佢哋衝突，見人就打見人就撳」。他指警署羈留室容納四人，於等候的八小時期間，警方沒有提供水，又沒開風扇，不准他們戴口罩防疫。
昨傍晚6時，自稱最後一名獲保釋的方先生離開警署，他被扣留逾40小時，形容整個拘捕及保釋過程相當混亂。他在警署內眼見被捕者包括年邁婆婆、中年男子及年輕人，「男女老幼乜都有，總之係人都拉返嚟」。
被捕男女分開每個羈留室扣留四人，雖然警署內有食水，但無人傳遞，「入面啲差佬都嗌亂，明顯拉人嗰啲同警署入面嗰啲係兩批人，完全冇溝通，拉幾多人都唔知」。他曾向警員查問何時才能完成保釋手續，對方竟表示「呢度得一個電話打畀家屬，同埋得一部電腦入資料」，每人需等候六至七小時才能打一次電話。
當晚原本消夜慶祝母親節的葉女士，14歲姨甥女及12歲女兒雙雙被捕。前晚8時許，她獲通知可保釋姨甥女，便與妹妹趕抵警署，惟被一拖再拖，她於昨凌晨落下傾盆大雨時仍在警署外等候，結果倦極靠在警署牆邊入睡，惟一直未有消息。及至昨午4時仍未能保釋，「居然話畀我哋聽電腦壞咗，仲係出唔到嚟」。
結果直至昨午5時半，姨甥女才獲保釋，她雙眼通紅搭着對方肩膊慰問。而患哮喘女兒因被捕後發燒仍然留院。
母質疑：影相都拉？
保釋兒子的劉女士不滿警方保釋安排混亂，稱由前晚7時首度接獲兒子致電可前往保釋，便偕丈夫趕往警署，當時警方指人太多，着她先回家。
約四小時後兒子再致電，她又撲去警署，終仍未能與兒子會面。至昨晨9時許兒子才能離開警署，直言對家長及子女都是折磨。
劉女士指兒子是英國留學生，因疫情回港，周日晚只是到旺角影相，不明白警方何以將他拘捕，兒子下月仍要向警署報到，她慨嘆今年母親節很難忘，「冇諗過會咁，應該好多香港人都好難忘」。