武肺襲港，全球體壇大停擺，ABL復季機會渺茫，甲一亦開賽無期，塞翁失馬，疫情反予劉子禮長期勞損的身體喘一口氣，休息養傷，然而有得必有失，疫情換來的空檔又使這位新任餐廳東主倍感無奈，「另外一個問題，係我蝕咗好多錢。」
運動員受傷難以避免，年近30的劉子禮於球壇打滾多年，身體負荷日積月累，一度受椎間盤移位問題困擾，早前他接受物理治療時，才驚覺阿基里斯腱日漸變幼，假如賽季如常，筋腱隨時遭遇大傷，「我腳踭條阿基里斯腱原來相對地幼咗好多，好彩冇斷到，嗰吓我好驚唔知點算呀，原來個部位弱咗咁多，係好彩及時發現，唔係打打吓波啪咗（斷裂）。」
阿基里斯腱變幼
疫情期間籃球訓練全停，劉子禮指近年從來未有時間長期休息，武肺或變相延長其職業生涯，無奈的是，餐廳卻因疫情損失慘重，他苦笑道：「疫情有好嘅地方有唔好嘅地方，但另外一個問題係我蝕咗好多錢，真係好忐忑，壓力都好大。」