【本報訊】黃色經濟圈越發擴張，阿布泰老闆Mike寄望圈內品牌不要固步自封。「我做生意的座右銘係擁抱變化。香港做生意競爭好大，需要不斷進步改變，時刻要跳出框框。唔係要跟潮流行，而係帶領潮流。」
由60呎小店在四年間擴充至15間分店，秘訣在於「慳成本、轉產品」。阿布泰首間門店在屯門市廣場開業，不過相比展銷攤位，門市生意卻急挫五成，「展銷攤位比較多優惠、新嘗試，但做門市就知產品種類、品牌知名度都唔夠。」加上屯門店是清水舖，「即係天地牆、電線、閘門乜都冇」，故裝修成本昂貴，計及租金等，甫開業就虧損。
分店選址避開清水舖
Mike認為，香港做零售有三大要素，「人、貨、場，三部份做得好，生意唔會差得去邊。」故首間門市面對困難時，公司由主攻美妝、健康產品，改為引入食品、日常用品等快速消費及必需品，「客人回頭率真係快咗，生意都扭虧為盈。」
店舖選址方面，主要尋找上手租客退租離場、避開清水舖，「人棄我取，會同上手租客傾保留原來裝修；500至800呎舖，一般裝修時間約三星期，但我哋做完組裝，三日即營業；不計存貨、裝修成本，10萬元就開業。」Mike表示目前最大困難是資金，生意額越大、周轉壓力越大，「兩按一上、三按一上嘅租金走唔甩。」