溫和派空間盡滅，方可成提起內地近年盛行「出圈」之說。要安全，就不要追求傳播度。「跳出同溫層裏的受眾，當然會得到更多的關注，但也帶來更多風險」，與「人怕出名豬怕肥」一樣。這個道理，印證在居於海外、85後的豆瓣資深用戶雲五身上。
為抗爭者寫辯護文 招報復式刪帖
「我想同人解釋」，雲五自去年11月反送中後，在豆瓣寫下多種邏輯謬誤，拆解小粉紅或官媒常見的錯誤邏輯，又以影視作品對比現實，盼讓網民了解抗爭者以卵擊石的初衷。「以前寫咗好多嘢，我覺得可能有5%人睇咗文章會改變想法。如果我淨係嗌吓口號鬧吓人，啲粉紅係唔會理」。雲五的廣東話半鹹半淡，自認身份不是大陸人，「我同佢哋完全唔一樣」。
10年資深用戶雲五，喜歡在豆瓣記錄看過的電影書籍，也看文藝評論。貪豆瓣設有作品評分制，用戶多數有文化，作品高低好壞一眼看清。當時網絡管制仍留有餘地，不時有人打打擦邊球，借用歐洲政治哲學書籍，暗諷影射中國的極權主義，你若打趣道「本書幾有道理」，有心人自然會明。
儘管豆瓣沒有如B站般向官方靠攏，甚至是最「無為而治」的網站，但這幾年，雲五發現很多書籍條目突然消失，有朋友數年前寫過的文章也被刪。有次看韓國電影《逆權司機》前，按習慣先看評分，「好高分，有九點幾分」；但看完戲，頁面就已被消失，「真係幾日時間就冇咗，好誇張」。深知發言有風險，雲五一直保持低調。11月一場理大圍城，他憤而為抗爭者寫下辯護文，「以前無乜膽，真係唔敢寫，到咗11月忍唔到。」結果代價是禁言，從一開始三天到三星期，再到後來100%刪帖刪文。雲五很快整理出一批必死的敏感字，由諷刺領導人的「維尼」「虫合」，到最近熱話的「終南山」「華大媽」，甚至青蛙、蘋果表情符號都不可以寫。今年4月，他發表文章整理疫情時間線後，直接遭豆瓣無預警封號。耐心申請新賬號，都一個個被封，從雲六、雲七、雲八、雲十三……「雲＋數字」的名字，無一例外被判死刑，數起來足足二十七、八個賬號，顯示豆瓣只衝着他來。雲五笑言，得到此等大陣仗封殺，豆瓣網內為數不多。
抓緊空窗期發文
打慣擦邊球的相熟網友拔刀相助，兵來將擋，呼籲眾人一律改用雲五的頭像和名字，以圖瞞天過海騙網管。結果就騙倒了網站小粉紅，「誇張到呢……佢哋以為我哋係一個組織」，雲五忍不住笑，「以為係有組織有紀律的部隊，專門過嚟搞中國嘅，好誇張！」在審查網中找漏洞，網民老早練成一身功夫。雲五說，在反送中時期，心繫香港的內地用戶抓緊審查稍鬆的時間，養成晚上看豆瓣文章的習慣，「因為第二日admin（網管）會刪，夜晚係有一個window（空窗期）」。
即使避得了封殺，再寫敏感文也很難。雲五坦言已少玩很多，選擇留在微信群組與志同道合的網友討論政治，但微信號都被封過三次。封閉式的空間也無法滿足他，「唔同，真係冇嘢可以代替！如果我想同大陸人正常交流嘅話，惟有豆瓣。最初上豆瓣係想reach（接觸）好黐線的粉紅，我係想改變佢哋嘅諗法，但用返WeChat無呢個機會」。
感到失去了精神角落？「係，完全destroy（毀滅）咗」，過去十年儲下的書單電影，一鋪清袋。退守的空間，只剩下牆外的公共討論平台Matters。在牆內，好像隨時「無碇企」。「『網絡難民』呢個用得幾好。同朋友唔止一次討論過，『嘩，點算呀？ 仲有邊度可以去公開講嘢？』冇啦！」但直到此刻，雲五仍未對豆瓣判死刑，「我如果想同大陸人正常交流，只有豆瓣，Matters大陸人睇唔到」。「鍾意睇書睇戲嘅人，都有啲想法。豆瓣可能係中國最後一個網站，有番啲正常人，好少你仲可以同正常人溝通的地方」。他只盼低調度過風頭，靜待尋回昔日的精神角落。
豆瓣簡介
推出時間：2005年3月
特色：集音樂、電影、讀書評論於一身，同時提供書目推介、交友等社區功能
核心用戶：擁較高教育的背景的青年
創辦人：楊勃
大事紀
2013年
月度覆蓋用戶數達2億
2016年12月
被央視點名批評，指豆瓣用戶惡評電影《長城》、《擺渡人》等傷害電影產業
來源：《蘋果》整理