近年運動員涉足其他界別的例子比比皆是，效力東方的港隊三分射手劉子禮，去年底於九龍灣開設泰國菜餐廳，雄心壯志投資近300萬，豈料一場武漢肺炎致百業蕭條，餐廳門可羅雀，籃球場上他起手百步穿楊，面無懼色；然而眼看積蓄幾近耗盡，生意苦苦掙扎，他直言壓力大得失眠，坐困愁城他只好寄望疫情快過，市況盡快重上軌道，「我家陣都唔諗喇，我想樂觀啲快啲過。」
記者：洪量丰
攝影：麥卓溢
平日球場所見的劉子禮沉穩冷靜，危急之時關鍵出手絕不怯場，惟球員卸甲走入餐廳變成老闆，獨力背起疫情帶來的財政壓力，笑容難掩憂愁。
近年劉子禮不時隨東方出征東南亞，機緣巧合結識餐飲業界朋友，加上父親有相關經驗，遂投資近300萬元籌辦餐廳，「我儲咗筆錢，但係又未買到樓，所以就索性攞去做一啲自己未做過嘅嘢。」
承擔風險蝕到失眠
相比當職業籃球員天天埋首鍛煉球技，餐飲業於劉子禮而言如同截然不同的世界，他直言開業時如生涯早年初生之犢，雖然廚房有泰籍大廚坐鎮，但經營餐廳事事新鮮青澀，極費精神，「做球員好開心，做餐廳老闆就要瞻前顧後，要顧好多嘢，浪費好多精神。我晨早返到餐廳，去到夜晚11、2點先走，我覺得好辛苦，頂唔順。」
劉子禮豪言冀先打下基礎，繼而擴充開設分店，惟餐廳甫開業武肺即殺到，美夢頓時化成泡影。其餐廳設於九龍灣一商場內，疫情下客源大減，餐廳生意一落千丈，收入不及疫情前一半，冷清時每日生意額僅得四位數，「呢幾個月蝕好多，真係唔想再蝕，我已經用好多積蓄去頂，希望（疫情）快啲過咗去，真係所剩無幾喇。」
在球場上他尚能與隊友齊喜齊悲，但押上積蓄於生意，一力獨撐同時亦要兼顧員工生計，他指開業時不明白朋友說開餐廳有得又有失的提醒，面對疫情他終於明瞭， 「我對落有一班員工，風險所有嘢都係自己承擔，我真係失眠。」
籃球教曉堅持之道
窘境之下，怨天尤人無補於事，劉子禮自言惟有盡力保持樂觀應對，也慶幸籃球教曉他堅持下去，「我做教練時都係咁講，呢個運動冇壓力唔好玩，你要諗辦法去享受，比賽時好多人睇，有人噓、有人支持你，但係要享受個過程。」訪問之時四人限聚令依然，疫情如迷霧鎖城，但至今疫情似漸遠去，市道陸續回復，支撐多時，看來他終究也等到守得雲開的日子。