求驗客手記：曼聯新星私校偷操被趕好老尷

英國政府剛宣佈咗放寬封城措施，大型體育活動亦可望於6月1日後恢復，英超球季重開計劃亦似乎見到曙光，惟公眾外出運動不再受限制嘅新指引要到周三先生效，英超球員預料可於本月內喺遵守新嘅衞生及安全指引下復操。

英國《太陽報》報道，同係22歲嘅兩名曼聯球星兼好友雲比沙卡同科素文沙，周一走到柴郡嘅私校Saint Ambrose College，試圖喺戶外球場操練。雲比沙卡同科素文沙被拍到喺嗰間私校球場進行來回跑及用足球訓練，即使佢哋兩個有保持社交距離，但當學校職員發現到之後，就算係球星都冇面畀，以並未獲許可進入嘅例而將佢兩個驅逐，場面非常老尷。