777接受黨媒《大公報》專訪，報道中畀晒機會佢自吹自擂，有眼利網民發現777身邊茶几竟然擺咗三張自己嘅玉照，而唔係全家福，唔少網民嘗試做人格分析，認為反映佢非常自戀。
舊照晒冷 討好黨媒
不過八方估計，有人想討好黨媒，因為嗰三幅相全部係777接受《大公報》專訪時影落，分別係2017年3月初參選特首時受訪；仲有2016年初任政務司司長嗰時，處理食水含鉛超標狂言「官到無求膽自大」，做專訪反咬議會劣質化試圖挽回民望。
第三張更加係似曾相識，嗰次係2017年專訪，777一樣將自己啲相擺晒出嚟，照咁睇下次《大公報》再搵佢訪問，畫面隨時出現五個林鄭囉。