Popo趁母親節搞亂香港，引嚟國際關注，台灣總統蔡英文嘅「御用設計師」聶永真噚日凌晨就喺facebook上載咗幅藝術設計圖片，表達對香港抗爭者嘅支持。
聶永真設計圖片構圖好簡單，左面係一個橙紅色正方形，寫住「Carrie Lam」，右面就係全黑色正方中間有一條橙紅線，寫住「Citizen Lane」，佢同時留言「昨日──母親節──香港。Do take care, our friends!」
聶永真之後解畫，原來左面橙紅格意念來自777母親節收到嘅「詐彈郵包」，右面就係星期日晚《蘋果》一張喺漆黑街上市民被反綁索帶舉高手嘅相，畫面中有一條Popo用嚟封鎖現場嘅橙色膠帶。唔少網民留言多謝聶老師為香港人發聲。