【本報訊】警方前晚於旺角大濫捕，不少被捕人士為年輕人。有少女涉嫌非法集結被捕，她稱於扣留期間目擊警員以警棍毆打少年，另一名少女則稱遭警員辱罵「賤雞」，有家長帶同藥物到警署要求警員轉交卻被拒，不滿警員不近人情。
警罵少女「賤雞」 拒轉交藥物
大濫捕中被捕市民全部在紅磡警署通宵扣查。昨晨9時許，被捕者陸續獲保釋。18歲吳姓女學生指，警方前晚11時許，先後四次舉藍旗，「山東街四條路包圍晒，捉咗百幾人，有20幾個女仔。」她於昨凌晨零時許被送到紅磡警署，她憶述「警察好唔冷靜，我親眼見到有幾個男仔俾差人打咗幾棍。」質疑警方濫暴。
由於被捕人數眾多，部份人需「打地鋪」過夜，「警察係咁用粗口問候人！」吳女涉嫌非法集結被捕，獲准保釋下月到警署報到，其後由兩名男女親友陪同離開。
獲保釋的19歲少女小海指前晚與爸爸途經山東街和花園街交界，遭警員喝罵「睇乜嘢賤雞，係咪想入去俾我哋搞？」其後小海與爸爸一同被捕，其父昨早8時不適送院，他一度懷疑自己中風，最後經治理無礙出院及獲准保釋。
同一時間，數十名被捕人士家屬於警署外通宵等候，家屬陳女士帶同藥物到警署，要求轉交予被捕的女兒遭拒，「差人反問我，點知道佢一定喺呢度？我話電話定位就喺度。」她要求警員查證女兒是否被扣留，惟對方推說手上無資料。「我個女要食藥，我要知道佢安全。」惟最終仍不得要領。
■記者張培生