武漢肺炎疫情影響下，娛樂圈工作暫停多月，近期香港疫情受控，復工有望。陳靜（DaDa）的電影工作由年初，一直延期到下半年，她近月都留在屋企，趁機自我增值，睇書兼畫畫，已畫了六、七幅作品，她說：「係呀，多咗好多時間喺屋企，都要畀啲正能量自己，做返啲以前有興趣但冇時間做嘅事。開始執返支畫筆，我本身好鍾意畫畫，因為覺得好減壓呀，以前儲過一批畫，公司幫我開咗一個小型畫展，大部份畫都義賣咗出去，捐錢畀慈善團體，𠵱家可以儲返多啲作品，將來再做charity。」
陳靜和其他女星一樣，不時在家做瑜伽，間中出去行山，呼吸新鮮空氣，她說：「行山都好注重地點，揀啲冇咁多人嘅地點，我同朋友見到有垃圾都會幫手執。」採訪：林妃攝影：周樂恒
更多精采時尚內容，盡在 http://add.appledaily.com。