趙世曾與70年代女星盈盈所生的37歲兒子趙式浩（Howard），今年3月爆出與細七年的NowTV新聞小花廖康如拍拖，戀情及婚事進度神速，先爆出兩人擬去年底已訂婚，而女方亦懷孕待嫁，兩人的小生命將於下月出世，日前更已入紙登記結婚。未婚妻廖康如臨盆在即，即將成為人母，趙式浩前晚和廖康如到銅鑼灣泰國餐廳晚膳慶祝，兼和爸爸趙世曾食飯，促進一家人感情。
九年前跟前女友生
83歲的趙世曾行動自如，獨自到達，明顯是熟客的他，獲店員熱情招待。記者上前問他即將抱男孫還是女孫？他說：「聽唔到你講咩。」仍保持一貫風度，報以笑容，明顯心情不錯。相隔20分鐘後，趙式浩和大肚未婚妻廖康如帶同一位小朋友出現，趙式浩緊張謂：「今日食飯冇嘢講。」尾隨的廖康如，雖然肚大如籮仍行動靈活，急步跟隨其後，並沒回應記者提問，只微笑示意打招呼。同行的小朋友按年齡推測，相信是趙式浩和前女友Winnie所生的兒子。2011年12月，趙式浩當時女朋友Winnie Liu為他未婚生B，但有指趙世曾因兒子未到30歲、太年輕而反對他結婚，現時囝囝已經8歲。
而趙世曾之前對囝囝即將娶老婆、做爺爺等，一概懵然不知。昨日記者再致電給他，明顯和未來新抱關係改善了：「呢個佢哋決定啦，只要Howard覺得啱，認為係合適對象，大家可以相處到嘅，我就冇乜所謂。」之後，再重複了兩三次，但言談間已放鬆口氣，由「冇乜所謂 」，變成「 我都唔會有乜阻撓。」再變成「冇乜特別事嘅話，我都會祝福佢嘅。」
趙世曾：得閒就食
談到對未來新抱的印象和期望等，趙世曾就不想多講：「 我哋每個星期都有一齊食飯，唔一定係星期日，得閒就食咁啦。」他年輕時身邊女友轉個不停，問到還有否拍拖？他笑說：「咁我梗有朋友喺身邊㗎啦，都有合適嘅女性伴侶嘅。 」
採訪：卓寶花、林妃
攝影：陳俊強
更多精采時尚內容，盡在 http://add.appledaily.com。