最近身陷涉賭風波嘅捷比亞，據報已被球會標價2,000萬鎊，即係去年馬體會從熱刺購入嘅價錢，希望將佢「遣返」。英媒報道，捷比亞嘅前東家般尼有意簽佢，但2,000萬鎊嘅標價係最大嘅障礙，加上佢要喺5月18日前回應英足總指控，呢單案隨時令佢轉唔到會。其實捷比亞去年之所以要離開熱刺，係希望有更多上陣時間，但係佢喺馬體會個正選位都唔係咁穩陣，辛迪亞高阿里亞斯、維沙積高都俾咗佢好大威脅。英格蘭國家隊方面，捷比亞又要同阿歷山大阿諾特、雲比沙卡等上位極快嘅年輕小將競爭，所以佢都希望重返英超爭取表現，增加入選英格蘭出戰歐國盃大軍嘅機會。