港台節目《鏗鏘說》前晚播出全新一輯第一集，卓韻芝隔空訪問身在台灣的林夕。林夕在節目中透露母親剛於3月離世：「3月時我阿媽忽然急性肺炎，四日之內走咗，原來一鎚打埋嚟嗰種痛好犀利。」林夕又提及成長過程：「我爸爸脾氣非常暴躁，我童年時冇一滴快樂。老竇有三個老婆，好多仔女，好多家姐都頂唔順走咗，我係最後一個留守，為咗保護我阿媽。」林夕指：「佢有次鬧咗我阿媽一個月，發脾氣推瀉晒啲碗碟，嗰次我真係起而反抗，第一次。」林夕之後帶媽咪離開爸爸，到他30歲時父親去世，他感覺鬆一口氣：「如果可以早啲勇敢抗爭，就唔會養大一個『怪獸』。」
被佚名是光榮
林夕在節目中表示，於台灣才找到生活，他去年底在台北出席音樂會支持香港抗爭者，受到內地打壓，逾3,000首作品在內地音樂平台下架，填詞人變成「佚名」，林夕依然無悔：「我曾經講過作品係我第一生命，第二先係健康，都預咗可能影響到我嘅第一生命，但人有所為，有所不為。」林夕直言：「我覺得俾人佚名係一種光榮，我唔信呢個世界永遠係黑暗勝過光明。」
撰文：南瓜
