早於2010年，美國開了條新法例叫Foreign Account Tax Compliance Act（FATCA）。起因係瑞銀犯規敢膽幫美國人開避稅戶口，在金融風暴時爆了，於是美國就話，我要出條新法例要求全球所有銀行找出美國人在海外的戶口，然後整整齊齊把記錄和證據存好，方便美國嚟查數。
唔好以為FATCA只適用於美國銀行上。剛剛相反，就算你喺本地「行山」銀行完全無美元資產的大戶，你都要必須參與這個痛苦過程去證明你唔係美國人。FATCA最巧妙的地方就係除咗找出邊個係美國人外，同時搵出邊個客係大陸人，或者其他國家啲人。邊個大陸人有幾多資產在海外，尤其是在美國銀行，從此一清二楚。你會問美國有咩咁把炮要求人哋咁做？答案：因為佢係大佬。
至於嗰啲好巴閉嘅一萬億美國國庫債券，也都不是一天到晚在威脅把它賣清光來推冧美國嘅債市嗎？無錯，美國國債的確係全球最流通的金融工具，今日賣，聽日就成交收錢。可是，大陸佬在咁氣燄之前，有無想過，就算畀你賣出貨又如何？收唔收到錢才是關鍵所在！
同一般股票和債券唔同，美國國債只可以在一個特定的美國成交系統上進行。那個系統叫Fedwire，專為美國Federal Reserve Banks用來成交美國國債和美元。成交最重要的部份除了配對交易外，就係放唔放錢畀你！
在特朗普的領導下，萬一美國佬真係計咗條數，要你就武漢肺炎賠償，而你又出咗嚟行又無得還時，人哋會唔會咁順攤放錢吖嗱？所謂「美元資產，唔好講玩」。大佬，唔係咁易做。
遮打道口水佬