法甲賽會上周六透過Twitter公佈，杜奧巴喺一項網上投票中力壓伊巴謙莫域，榮膺聯賽近20年來最強射手。賽會先揀咗32名近20內曾喺法甲征戰嘅射手，以一對一形式畀網民進行淘汰制投票，結果杜奧巴喺「決賽」攞到40,094票當中嘅51%，力壓伊巴當選。現年42歲嘅杜奧巴喺Twitter上話：「球迷真喺過獎喇！好感謝甘岡同馬賽畀咗我呢兩段美妙嘅經歷。同時我都要同每位曾經喺法國聯賽征戰嘅射手致敬。」杜奧巴喺2002至04年嘅兩個法甲球季，合共上陣69場轟入36球。至於伊巴就喺12至16年效力巴黎聖日耳門，踢咗122場攻入113球，球隊亦連續四年稱霸法甲。相比之下，伊巴嘅數據就明顯更強喎。