由香港攝影記者協會舉辦嘅《前線·焦點2019》周年新聞攝影比賽噚日揭盅，《蘋果日報》攝影記者易仰民舊年中秋節喺太平山頂採訪「香港之路」特別版，拍攝咗大批市民係山頂高舉小天燈、手機電筒同雷射筆，與彼岸獅子山頂嘅市民連成一線，表達爭取五大訴求，缺一不可嘅決心，易仰民更憑着呢張獲得特寫組嘅優異獎。
今屆比賽收到98名參賽者、合共1,117張照片同46輯圖輯，唔少得獎作品同反送中運動有關。本年度新聞年度圖片殊榮由《報導者》嘅陳朗熹奪得。八方喺呢度恭喜得獎同事同各行家，相信佢哋會繼續用相片記錄歷史，捍衞香港新聞自由。