【和你唱】
【本報訊】大批群眾昨晚響應號召在鑽石山荷里活廣場及大埔超級城「和你唱」，百多名防暴警分別進入兩商場驅散，有市民不滿，高聲反問：「陶輝拉咗未？」警員不斷威嚇會按限聚令發告票，有一家五口行商場亦被控的市民無奈稱：「由頭到尾都係夾硬嚟。」
一家五口行商場被控
昨晚7時，荷里活廣場及大埔超級城分別約百人各層叫口號，合唱抗爭歌，有人舉起「光復香港 時代革命」標語。半小時後防暴警分別衝入商場，並拉起封鎖線，指市民違反限聚令，驅趕所有人離開，店舖紛紛落閘。
荷里活廣場三樓一間食肆外，多位排隊等位的市民與警員理論，有市民質問：「陶輝拉咗未？」其中一名舉起寫着「正義之師？反黑販毒，陶輝僭建，元朗7.21」紙牌的男子表示，警員無法回應紙牌上的三件事，「我以前好尊重差人，因為我係少年警訊，但7.21之後香港警隊聲譽已經完咗」。一名中年男子亦高叫：「警察賣白粉就得，我哋唱歌就唔得。」隨即被警抄下身份證及地址，警還恐嚇說：「隨時上你屋企拉你。」
在大埔超級城，警方向現場人士警告，會以「公眾地方行為不檢」拘捕，其後帶走一名黑衣少年，他的親友謝先生指當時他們一行五人在行商場，警員突然衝過來，指控他們違反限聚令，由於姨甥無帶身份證而被押返警署。對於人數不超八人竟被控，他無奈說：「由頭到尾都係夾硬嚟，都唔係今日開始，全世界都知。」網民再發起今日各區商場「全港和你Sing」，警方在fb發文警告會果斷執法。
■記者麥志榮