【兄弟爬山】
【本報訊】火車（化名）所駕的士令人留下深刻印象。車頭鋪了一列十隻戴着黃頭盔、眼罩、豬嘴的「勇武公仔」，司機位前除了的士牌照，貼滿各式各樣反送中文宣和海報。火車訪問後也從車尾箱拿出一堆「手信」，向記者和攝記每人分派了勇武公仔、刻上「香港」字樣的鎖匙扣、明信片和一本約400頁厚的《消失了的連儂牆》，「呢啲全部都唔係我自己買，係手足送畀我，擺喺我架車度」。
記者：陳芷昕
毫無疑問，這是一輛「黃的紅的」。3月時，火車成立facebook專頁「黃的紅的」，讓支持反送中運動的同路人私訊預約的士接載服務。從此，他的工作比以前接街客繁複得多，每天要勤於檢查訊息，安排翌日的工作時間和交通路線，他現在每天平均接到約十單，收入卻不比以前多，每單之間距離可能很遠要蝕油錢。但對火車來說，這是他疫症下自救方式：「你周圍接街客，又冇理由畀份健康申報表佢填，政府又唔一早封關，咁我咪惟有諗辦法保護自己同我車上嘅人囉。」
載白衣人見證警放行
專接同路人，是因為火車比較信任同路人，也覺得同聲同氣下工作比較愉快。「以前啲客都係上車然後落車，但𠵱家大家好似朋友咁，仲有客指定坐我架車，畀晒佢返工、放工嘅時間我！」但保障工作以外，火車成立「黃的紅的」專頁，更希望提醒同路人不忘抗爭決心。
原本任職室內設計師的火車，因為工時長、收入低，五年前轉職的士司機。一直搵錢至上的他，對政治漠不關心。直到去年6月9日，沒有上街的他從新聞得悉有100萬人走出來反對修訂《逃犯條例》，他始關心條文內容。再從新聞看到6月12日硝煙四起、槍林彈雨的畫面，他決定6月16日上街，這是他人生第一次參與遊行表達政治訴求。
身為的士司機，縱使身處於狹小車廂，也見證過重大時刻。他曾駛經抗爭現場，有幾個「平民」打扮的小女孩向他招車。她們一上車便問：「我哋唔夠錢去想去嘅地方，最近可以邊度落車？」火車看見她們疲憊乏力、惶恐不安，馬上車到便利店買來一堆食物，再直接把她們送到目的地。
車過「手足」，也車過「對家」。去年7月22日凌晨約2點，火車接到客人電話，要去元朗南邊圍村村口。白衣男上車後，二人交談之間，火車得悉他是南邊圍村內人士，被召喚回去「幫手」，但他不想參與其中，故選擇以「遲到」作開脫藉口，他更暗示這次恐襲得到默許。火車聽罷已不想接載這位男士，但又想到現場了解事件。一到村口，的士已被過百防暴包圍，火車本已準備被截停，但可能防暴看到白衣男，結果未經查問下就直接放行。
這些畫面，火車仍然歷歷在目。他不時問自己，一個的士司機可以為這場抗爭做些甚麼？去年8月，火車開始將的士變身流動連儂牆，貼滿反送中文宣，「有啲連儂牆被破壞，但架車係我嘅，我鍾意點整都得」。曾有朋友勸阻他如此明目張膽的行徑，但他不願因恐懼而噤聲，「香港不嬲都係一個有言論自由嘅地方，點解我連話畀大家知我嘅取態係咩都要驚？個個都因為驚因為擔心而唔做，任由香港變成一個有的士司機撞斷人隻腳、交通警撞向人群係唔使負責任嘅地方，我覺得係唔可以畀呢件事發生」。
車廂變流動連儂牆
火車也抓緊機會向乘客「洗腦」。一程車，最長不過一小時，他不期望能透過三言兩語改變一個人的想法，但願透過交流盡量喚醒其良知。要知道一個人的政治立場不難，「黃嘅一上車就會話『司機好嘢』，中立嘅可能講幾句『個政府都衰㗎啦，但示威者破壞都唔係幾好囉』咁，藍嘅一般都好少出聲，但你會見到佢面青青咁」。火車曾載過要去尖沙嘴警署的年輕警察，「佢一上車見到我啲文宣，即刻冇晒心機」，於是他馬上播放反送中歌單，為警員「打打氣」，「但佢未到警署就叫落車，聽唔到首《肥媽》」。
其後疫症爆發，去年風風火火的抗爭場面暫時不復見，但過去十個月間因接載而相識的手足，已經與火車建立深厚情誼，「𠵱家都有啲小朋友keep住送文宣畀我，我又會車啲手足定期覆診」。
大眾對於抗爭的態度或冷卻不少，但火車仍時刻提醒自己不可讓這場抗爭之火熄滅，「當前面𠵱家懸空咗，係要有人行返上去。你唔可以以為回復正常就咩事都冇發生」。
成立專頁「黃的紅的」個多月以來，火車除了接單，也繼續在網絡和的士上做文宣。「我冇諗過要發大做一個黃的台，我只係想令大家唔好忘記發生過嘅事，令呢場運動可以行落去。我想大家知道，我一個咁普通嘅的士司機，都肯做少少嘢，我都想大家可以一齊撐落去。」
